Evanger:
Evanger er ein gamal handels- og handverksstad i Voss Kommune med omlag 300 innbyggjarar. Det særprega og verna trehus-sentrumet vart bygd i midten av 1920-åra, etter ein storbrann i 1923.
Bygda er kanskje mest kjend for tradisjonsrike produksjonsverksemder av spekemat og korv, men har òg mykje anna å by på.
Evanger har eigen barne- og ungdomsskule, barnehage og aldersheim. Mange små og mellomstore verksemder gjer at Evanger har overskot av arbeidsplassar i forhold til folketalet.
Kraftstasjonen som ligg 1,5km rett inn i fjellet frå sentrum er BKK sin største, og av dei aller største på Vestlandet.
Eit aktivt lagsliv, ofte i samarbeid med nabogrendene Brekkhus, Bolstad og Bulken, gjer Evanger til ein god stad å bu, både for små og store.
Me ynskjer særleg å trekkja fram at bygda har vorte berika med tilflyttarar frå andre land og kulturar dei siste par ti-åra, og då særskild familiane frå ex-Joguslavia. Dette har lagt grunnlaget for den største årlege kulturhendinga på Evanger, nemleg Balkanfest.
Bileta henta frå Voss Now
-------------------------------------------------------------- |
||
sist oppdatert:23.08.10 |
||
© Balkanfest Evanger 2008-2010 |
||