Førehandssal av festivalpass på
Ticketco

Hovudsponsor:
Voss Sparebank

Våre støttespelarar:

Voss Energi

Norsk Kulturråd

Voss Kommune
Voss Kommune

Voss Veksel- og Landmannsbank
Voss Veksel og Landmansbank

Styve Møbelsnikkeri
Bilxtra
JerniaRokne
 

Velkomen til Balkanfest
28.-30.august 2015

Festivalen med musikken du IKKJE kan stå stille til. Maten du MÅ smaka. Festen du ikkje vil gå heim frå.

Velkomen

Balkanfest Evanger er ein festival som vert arrangert annakvart år. Målet er å formidle balkansk musikk og kultur på eit høgt kunstnerisk nivå, for eit breidt publikum.

Gjennom musikk, dans, mat og annan kulturaktivitet ynskjer me å skape ein naturleg og positiv møtestad for born og vaksne frå ulike folkeslag, både frå Balkan, Voss og heile verda.

Endeleg!

Festivaltelta står på rekkje og rad inne i den vesle trehusgata, klare til å ta i mot gjester frå fjern og nær, og klare til å gje dei ly mot regnet som også denne gongen ser ut til å ville vitje festivalen. Og skulle sola komme fram, ja så tek me i mot den òg!

Dei flottaste, søtaste balkankaker er ferdige, hundrevis av pljeskavica med alt det gode tilbehøret er klare til servering, og artistane er på veg til vesle, eksotiske Evanger. No er det berre å få på seg danseskoa, ein god gensar, og setje kursen for den perfekte avrundinga på festivalsommaren.

OPA!

(Publisert: 28.08.15)

Dugnaden er for alvor i gang

Det er berre to dagar til det brakar laus, og i kveld har fleire flotte dugnadsgjengar vore i sving. Nokon har starta med rigging av telt, scena er komen på plass, og på skulekjøkenet er det produsert pljeskavica og capcici i lange baner. I går vart ei rekkje balkanske kaker laga, og dermed nærmar festivalmaten seg ferdig.

Klesvasken er på plass, regnskyene er på plass, og i år er til og med blomane til naboen i flotte balkanfargar! Velkomen til Evanger!

Balkanblomar

(Publisert: 26.08.15)

Balkanfest er også matfestival!

Visste du at maten me serverar på Balkanfest er laga på dugnad? Me er glade for å ha med flinke lokale medarbeidarar frå Balkan, som viser og hjelper oss å heilgrille lam, lage pljeskavica (hamburger), pølser, cevapcici (kjøttbolle), i tillegg til eit mangfald av balkanske kaker!

I år har me også fått vår eigen festivalbakar, som lagar hamburgerbrød og lefser etter balkansk oppskrift, steikt i steinovn. Salat og tilbehør er økologisk og levert av Finnegarden.

Det må også nevnast at det vert mogeleg å få kjøpt lokal drykk frå Vossabygda i festivalkafeen
Så Balkanfest er både ein mat- og musikkfestival. Her skal ein ikkje gå svolten eller tyrst heimatt.

(Publisert: 25.05.15)

Førehandssal av billettar

Visste du at du at du kan kjøpe festivalpass, konsertbillettar, bussbillettar, og ein plass i sovesal eller balkan-camp - på førehand? Alle desse billettane finn du på Ticketco.no. Her er det berre å hive seg rundt for å sikre seg gode konsertopplevingar, overnatting og/eller transport.

(Publisert: 18.08.15)

Lunchkonsert i Voss Sparebank

Fredag 28. august kan du få med deg ein smakebit av kva som er i vente, når me tjuvstartar festivalen med lunsjkonsert med Gjertruds Sigøynerorkester i Voss Sparebank. Konserten er gratis og startar kl 12.00.

(Publisert: 17.08.15)

FFarmers Marketarmers Market

Farmers Market er attende! Dei treng vel knapt nok vidare introduksjon. Farmers Market har klart å bli allemannseige med sin ultravirtuose miks av bulgarsk folkemusikk, jazz, pop, rock, humor og mykje meir.

Meir info om årets fantastiske artistar frå inn- og utland finn du på "Artistar" i toppmenyen, eller ved å fylgje denne linken.

(Publisert: 16.06.15)

Fliflet/Hamre og Bergen Big BandFliflet/Hamre og Bergen Big Band

Mange kjem nok til å vere litt trøytte søndag føremiddag på Balkanfest. Me kan likevel garantere at ingen kjem til å sovne før langt ut på ettermiddagen.
Det er nemleg ingen ringare en Fliflet/Hamre som skal avrunde årets festival!

13.06.15: No er det fullstendige programmet endeleg klart. Ei rekkje fantastiske artistar frå inn- og utland er klare for å entre scena siste helga i august. Programmet ser du her.

22.04.15: Nytt av året: Festivalcamp/ Sovesal :
Me lagar til festivalcamp ved grendahuset, ca 5 min å gå frå festivalområdet. Her kan me tilby plass for telt på gras og grus, og oppstillingsplassar for campingvogn og bubil.
Om du ikkje likar å sove ute, kan du få sove inne i grendahuset. Her vert det laga til sovesalar.
Meir informasjon under Transport/overnatting i menyen til venstre.

15.04.15: Info om BadnaBalkan og Balkanbaluba finn du ved å trykke på hjarta oppe til venstre.
14.04.15: Førebels festivalprogram er publisert!
16.03.15: Festivalpass er lagt ut for salg hos ticketco.no!
14.03.15: No kan du registrere deg som medarbeidar til årets festival. Velg "Medarbeidar" oppe til høgre, eller følg denne lenka for meir informasjon og registreringsskjema.

04.03.15: Programmet er i ferd med å verte klart, og artistane vert presentert no framover - fylg med!

sist oppdatert: 28.08.15
© Balkanfest Evanger